Iniciativat e Projektit FEGO për rritjen e tregtisë

Duke pasur parasysh rritjen e fundit në sektorët e mobilerisë, veshmbathjeve dhe turizmit rural në Kosovë, projekti FEGO është fokusuar në mënyrë strategjike në iniciativat e lidhura me tregtinë për të rritur qasjen në treg dhe për të rritur potencialin e eksportit. Duke përfituar nga mundësitë e shfaqura, si ndryshimet në burimet globale dhe liberalizimi i vizave për Kosovën, FEGO ka fascilituar aktivitete të dizajnuara për të lidhur ndërmarrjet vendore me tregjet ndërkombëtare. Iniciativat kryesore përfshijnë organizimin e pjesëmarrjes në ngjarjet globale të industrisë, siç janë panairet tregtare dhe takimet biznes-me-biznes, dhe nxitja e lidhjeve të drejtpërdrejta ndërmjet NVM-ve të Kosovës dhe blerësve ndërkombëtarë. Këto përpjekje kanë qenë të rëndësishme në shfaqjen e mjeshtërisë me cilësi të lartë të prodhuesve vendas të mobiljeve/përpunimit të drurit, praktikave të qëndrueshme të brendeve të saj të veshjmbathjeve si dhe ofertave unike të operatorëve të turizmit rural. Këto iniciativa synojnë të rrisin konkurrencën e ndërmarrjeve kosovare në tregjet ndërkombëtare duke stimuluar rritjen ekonomike përmes krijimit të vendeve të punës dhe gjenerimit të të ardhurave. Kompanitë kosovare të mobilerisë po përjetojnë rritje të konsiderueshme, të nxitur kryesisht nga mundësitë e eksportit. Lidhja me diasporën e Kosovës ka luajtur një rol vendimtar në qasjen në këto tregje. Megjithatë, shumë kompani ende përballen me sfida në zgjerimin e lidhjeve të tyre në treg përtej këtyre lidhjeve të diasporës. Në fillim të këtij viti, projekti FEGO mbështeti dhjetë kompani nga sektori i prodhimit të drurit dhe mobilerisë të Kosovës për të marrë pjesë në Panairin e Mobilerisë në Stokholm, duke përfaqësuar vendin. Kjo ngjarje ofroi një platformë unike për bizneset kosovare që të angazhohen me trendet dhe inovacionet më të fundit të industrisë duke u lidhur me liderët globalë të dizajnit. Një ekspozim i tillë nxit bashkëpunimin, rrjetëzimin dhe shkëmbimin e njohurive, duke rritur inovacionin brenda sektorit të mobilerisë në Kosovë. Një mision blerës B2B u organizua në nëntor 2024 nga FEGO, Interior Cluster Sweden dhe SHPDK për të mbështetur më tej këtë rritje. Ky mision lehtëson lidhjet midis kompanive suedeze dhe kosovare të mobilerisë, përmes vizitave të kompanive dhe ngjarjeve për rrjetëzim për të krijuar lidhje tregtare dhe për të rritur eksportet në Suedi . Duke ndërtuar këto lidhje ndërkombëtare, FEGO po ndihmon prodhuesit vendas të zgjerojnë shtrirjen e tyre dhe të rrisin mundësitë e eksportit.

Për herë të parë, ndërmarrjet e turizmit kosovar morën pjesë në panairin Travel News Market në Stokholm të Suedisë. Kjo shënoi një hap të rëndësishëm në strategjinë më të gjerë të projektit FEGO për të përmirësuar ndërhyrjet në lidhje me tregtinë duke nxitur lidhje domethënëse dhe duke zgjeruar praninë e Kosovës në tregun suedez të turizmit. Aktivitetet kryesore përfshinin organizimin e takimeve individuale B2B, dizajnimin dhe menaxhimin e një shtandit ekspozus dhe pajisjen e MSME-ve pjesëmarrëse me mjete për prezantime me ndikim. Në planin afatgjatë, kjo nismë synon të rrisë numrin e turistëve ndërkombëtarë, veçanërisht nga Suedia, që vizitojnë Kosovën. Nga rritja e turizmit pritet të përfitojnë jo vetëm aktorët e turizmit, por edhe komunitetet dhe ekonomitë lokale. Një rritje e vizitorëve ndërkombëtarë mund të rrisë kërkesën për mallra dhe shërbime të prodhuara në vend, të krijojë vende pune dhe të stimulojë zhvillimin e infrastrukturës, duke kontribuar kështu në rritjen e qëndrueshme ekonomike. Në sektorin e veshmbathjeve, FEGO ka bashkëpunuar me platformën Flair Fashion për të promovuar dizajnerët në zhvillim të modës të Kosovës, duke ofruar qasje në kanalet globale të shitjeve dhe shikueshmëri në ngjarjet e ndryshme gjatë Javës së Modës në Londër. Ky bashkëpunim prezantoi me sukses dizajnerët kosovarë gjatë Javës së Modës në Londër 2024, duke nxitur bashkëpunime të vlefshme me profesionistë dhe klientë të industrisë, duke nxjerrë në pah potencialin e këtyre dizajnerëve në tregun global të modës. Kjo iniciativë mbështet rritjen ekonomike në Kosovë duke hapur tregje të reja për dizajnerët, duke rritur ndërgjegjësimin për brendin dhe duke krijuar mundësi të reja profesionale. Për të pasuruar ofertën e gastronomisë në Kosovë, FEGO mbështeti 10 ndërmarrje të turizmit rural për të marrë pjesë në panairin Terra Madre Salone del Gusto 2024 në Torino, Itali. Kjo ngjarje, mbledhja më e madhe e Rrjetit Slow Food, prezanton pjesëmarrësit me modelet e qëndrueshme të prodhimit të ushqimit dhe feston traditat e kuzhinës nga e gjithë bota. Të pranishmit eksploruan biodiversitetin, bujqësinë e qëndrueshme dhe njohuritë tradicionale, duke fituar njohuri për të pasuruar sektorin e turizmit ushqimor të Kosovës. Duke lidhur bizneset lokale të gastronomisë me liderët globalë në prodhimin e qëndrueshëm të ushqimit, FEGO promovon përdorimin e përbërësve autentikë, me burim lokal, duke përmirësuar ofertat e kuzhinës dhe duke tërhequr turistë.